Parte hartu #Donostia2016 ren inaugurazioan Donostia Kulturaren eskutik

Me llamo Suleiman

Berehala inauguratuko da Donostia 2016 Europako Kultur Hiriburu gisa, eta Donostia Kulturak ere parte hartuko du inaugurazio ekitaldien antolakuntzan. Horregatik, herritarrei dei egiten die DSS2016EUren inaugurazio ekitaldietan parte har dezaten Donostia Kulturaren eskutik, eta hainbat kultur ekimenetarako 2.500 gonbidapen baino gehiago jarriko ditu herritarren eskura.

Alde batetik, Donostia Festak Donostia 2016ren inaugurazioko lehenengo ekintzetan izango da, horiek San Sebastian Eguneko bandera igoera ekitaldian eta Haur Danborradan izango baitira. Horrez gain, urtarrilaren 23an danborraden bilkura izango da 12:15etatik aurrera Kontxan, herritarrei inaugurazio ekitaldietan parte har dezaten deia egiteko.

Festez gain, Donostia Kulturak inaugurazio egunetarako beste hainbat kultur ekitaldi antolatu ditu:

1- San Telmo museoan 1966 I Gaur Konstelazioak I 2016 erakusketa inauguratuko da urtarrilaren 22an 19:30ean, eta erakusketa museoan egongo da maiatzera arte. Gaiarekin lotutako beste erakusketa bat Okendo Kultur Etxean ere izango da.

2- Fantasiazko eta Beldurrezko Zinemaren Astearen erakusle gisa urtarrilaren 22an 20:30ean Antzoki Zaharrean The Invitation (2015) filmaren aurre-estreinaldia izango da. Bertara joateko gonbidapenak urtarrilaren 15etik jaso ahal izango dira Antzoki Zaharreko leihatilan.

3- Heineken Jazzaldiaren erakusle gisa zenbait kontzertu izango dira:

  • Urtarrilaren 21ean, 19:30ean, Fnac Forumean Swingpapers taldearen kontzertua, Tokiko Taldeen Hautaketa prozesuaren baitan.
  • Urtarrilaren 22an, 19:30ean, Fnac Forumean Laurent Robino Trio taldearen kontzertua, Tokiko Taldeen Hautaketa prozesuaren baitan.
  • Urtarrilaren 23an,18:00etan, Trinitate plazan, Edmond Bilal Band boskotearen doako kontzertua izango da.
  • Urtarrilaren 23an, 23:00ean, Trinitate plazan, Sanou taldearen kontzertua izango da.

4- dFeria jaialdiaren erakusle gisa hainbat antzezlan taularatuko dira urtarrilaren 23an:

  • 21:00etan Parte Zaharreko kaleetan Deabru Beltzak taldearen Les Tambours de Feu.
  • 22:00etan, Antzoki Zaharrean Unahoramenos Produccionesen Me llamo Suleiman antzezlana izango da. Gonbidapenak urtarrilaren 15etik jaso ahal izango dira Antzoki Zaharreko leihatilan.
  • 22:00etan Kursaal kanpoaldean Compagnie 9.81 taldeak Suspend's dantza bertikaleko ikuskizuna eskainiko du.
  • 23:00etan, Victoria Eugenia Club aretoan Teatro del Azar taldearen El juicio de Dayton antzelana. Gonbidapenak urtarrilaren 15etik jaso ahal izango dira Victoria Eugeniako leihatilan.

5- Literaktum jaialdiaren erakusle gisa bi ekitaldi izango dira urtarrilaren 23an:

  • 20:30ean Egiako Apal Estudioan Rikardo Arregi Diaz de Heredia, Mari Luz Esteban eta Miren Agur Meabek Poesiaren Gorputza errezitaldia emango dute.
  • 23:00etan Egiako Zahar Etxean Rafael Berriok Monstruoso emanaldia eskainiko du.

6- Giza Eskubideen Zinemaldiaren erakusle gisa urtarrilaren 24ean 17:00etan Antzoki Zaharrean La ley del mercado (La Loi du marché, 2015) filmaren aurre-estreinaldia izango da. Bertara joateko gonbidapenak urtarrilaren 15etik jaso ahal izango dira Antzoki Zaharreko leihatilan.

Ekitaldi guztiak doan izango dira, eta gehientsuenak -kontzertuak, kale antzerkia...- erabat libreak dira, gonbidapen beharrik gabe, baina ekitaldi zehatz batzuetarako ezinbestekoa izango da gonbidapenak jasotzea.

Inaugurazio ekitaldi guztiak

 
 

 

Antolatzen du

  • Gipuzkoako Foru Aldundia, Diputación Foral de Gipuzkoa
  • Eusko Jaurlaritza Kultura Siala, Gobierno Vasco Departamento de Cultura
  • Gobierno de España, Ministerio de Educación, Cultura y Deporte

Kolaboratzaileak

  • fundación sgae fundazioa
  • Iberescena
  • Kutxa Fundazioa
  • Etxepare
  • oara
  • cofae
  • ballet T: Centro Coreográfico Transfronterizo
  • Eszena-T
  • Cooperación Territorial España-Francia-Andorra 2007-2013
  • EAB
  • Unión Europea
  • Acción Cultural Española, Gobierno de España
  • donostiakultura.com; San sebastián, ciudad de la cultura
  • Donostiako Udala, Ayuntamiento de San Sebastián
  • Donostia - San Sebastián 2016