dFERIAk 2019ko kartela aurkeztu du

Madrilgo Pablo Llorenteren Halo lana da 2019ko dFERIAko kartela. Egilearen hitzetan, "kartelak boterearen ikonoa gogora ekarri nahi du, goraka begiratzen duen dantzariaren oinaren bitartez, borrokara deitzen duen ukabila balitz bezala".

Edizio honetan, gai nagusia BOTEREA izango da. Boterea zerbait egiteko edo zerbait izateko ahala izan daiteke, baina Feria honetan boterearen beste adiera bati begiratuko diogu: nagusitasun hegemonikoa izateko edo aginte gorena islatzeko gaitasunari.

Datozen asteetan dFERIA 2019ko programazioaren zati handiena ezagutzera emango da. Donostiako Arte Eszenikoen Feriak 25 urte beteko dituen honetan,  martxoaren 11a eta 14a bitartean burutuko da.