dFERIAk Redelaeren «Etxea duzu agertoki» jaialdian parte hartuko du

Sandra Ferrúsek idatzi eta Martxelo Rubio protagonista duen Stopman lanak irekiko du gaur gauean Etxea duzu agertoki jaialdia, Redelaek, Arte Eszenikoetarako Sare Eurolatinoamerikarrak, maiatzaren 25etik 28ra antolatutako lehen jaialdia. 

Lau egunetan zehar ikus-entzunezko 31 pieza aurkeztuko dira eta antzerkiko profesionalen lau mahai-inguru ospatuko dira mundu osoa hartu duen pandemiaz gogoeta egiteko arlo artistikotik eta teorikotik. Hitzordua bederatzi herrialde iberoamerikarretako artista eta jaialdientzat da.

Aipatutako Stopman lanaz aparte, dFERIAk, Donostiako Arte Eszenikoen Feriak, beste hiru sorkuntza-lanekin parte hartuko du: Oskara etxean (Kukai), Muxuka (Verdini) eta La familia (AteneASP, Gautena). Guztiak itxialdian Donostiako antzokietatik eskaini den DKetxean online programarako sortu dira.

Programazioari buruzko xehetasunak Redelaeko webgunean begiratu daitezke.