dFERIAk gizartearen desinformazio gero eta handiagoa jorratuko du, Fake gaitzat hartuta

XXIX. dFERIAko irudia

Edizio hau datorren urteko martxoaren 13tik 16ra bitartean egingo da eta Fake edo albiste faltsuak izango ditu ardatz, hau da, faltsua eta egiazkoa bereizteko zailtasun gero eta handiagoa.

dFERIAren hurrengo edizioko kartelaren sortzailea Jokin Oregi#MrSortwo— dugu. Egilearen hitzetan, irudiak, eszenografia eta antzerkiaren funtsa abstrakzioarekin eta figurazioarekin nahasten ditu, "brotxakada pare batekin antzerki oihal bat irudikatuz eta paisaia bat asmatzeko bertan sortzen diren espazioekin jolastuz".

Gaiari dagokionez, antzerkiari beti aitortu zaio gizartea eraldatzeko eta espiritu kritikoa lantzeko tresna ona dela. Kasu honetan, dFERIAk gizartearen desinformazio gero eta handiagoa jorratuko du, Fakeak leitmotivtzat hartuta. Zurrumurruak, gezurrak, faltsukeriak, iruzurrak, engainuak, amarruak, gezurrezko salaketak eta aldrebeskeriak jorratuko dira, ondoko afekzioak —besteak beste— eragin ditzaketenak: irizpiderik eza, buruzko orientaziorik eza eta informazio falta. Teknologia berrien erabilera masiboagatik (blockchain...) eta espiritu kritiko gero eta apalagoa duen gizarte batean gizabanakoak manipulatzeko ahalmen gero eta handiagoagatik, informazioa esponentzialki zabaltzea zeinen erraza den ikusirik, bistan da puru-purian dagoen gaia dela.

Aurreko edizioetan bezala, dFERIAk ikuskizun bat programatu du jaialdiaren aurreko astebururako. Martxoaren 11 eta 12a bitartean Peeping Tom Belgikako konpainiak Diptich: The missing room and The lost room ikuskizuna aurkeztuko du Victoria Eugenia Antzokian. Sarrerak bihar, abenduak 28, jarriko dira salgai 11:30etik aurrera Victoria Eugenia eta Antzoki Zaharreko leihatiletan eta donostiakultura.eus/sarrerak webgunean. 

Antolatzaileak

  • Donostia / San Sebastián - DK

Babesleak

  • Gipuzkoako Foru Aldundia, Diputación Foral de Gipuzkoa - Etorkizuna orain, Es futuro
  • Eusko Jaurlaritza Kultura eta Hizkuntza Politika Saila, Gobierno Vasco Departamento de Cultura y Política Lingüística
  • Gobierno de España, Ministerio de Cultura y Deporte

Laguntzaileak

  • Kutxa Fundazioa
  • fundación sgae fundazioa
  • Tabakalera
  • San Telmo Museoa
  • cofae
  • Etxepare Euskal Institutua
  • REDELAE: Red eurolatinoamericana de artes escénicas
  • Convent Garden - Donostia / San Sebastián

2023© copyright