2026
Danimarka zaporea duen Feria
XXXII. dFERIAk emaitza onak jaso ditu, bai bertaratutako publikoari dagokionez, bai akreditatutako pertsonei dagokienez, baita konpainia parte-hartzaileei dagokienez ere. Nazioartekotzearen kapituluak ere emaitza onak jaso ditu, azken urteotan Europari begira egindako apustua, Danimarka herrialde gonbidatu gisa izan duena. Bestetik, beharrezkoa da aipatzea martxoaren 17ko greba orokorraren eragina; horren ondorioz, hiru ikuskizun bertan behera utzi behar izan ziren eta beste bat birprogramatu behar izan zen.
Parte hartu duten 31 konpainiek 31 ikuskizun aurkeztu dituzte, 42 funtziotan. Hauetatik % 74a estreinaldia izan da modu batean edo bestean: bi mundu mailan, hiru estreinaldi estatuan eta hemezortzi Euskal Herrian.
Akreditazioei dagokienez, 657 profesionalek eman dute izena Ferian. Horietatik, 229 programatzaile, 79 banatzaile, 217 ekoizle edo konpainia-ordezkari, 79 erakunde-ordezkari, 21 kazetari eta kritikari, eta 32 beste sektore batzuetakoak. Aipatzekoa da dFERIAn nazioarteko profesional kopurua ere. 2026an nazioarteko 138 akreditatu izan ziren eta horietatik 69 nazioarteko jaialdietako programatzaileak eta ordezkariak izan ziren. Kontinente guztietako 40 herrialde baino gehiago ordezkatzen dituzte.
Datu nagusiak
- 15.985 parte-hartzaile
- 31 konpainia, 31 funtzio, 36 ordu oholtza gainean
- 657 profesional, 25 prentsaurreko, 8 eszenatoki
2026ko gaia: Legatua
dFERIA, Donostiako Arte Eszenikoen Feria, hitzordu saihetsezina eta erreferentea da arte eszenikoetako profesionalentzat. Martxoaren 14 eta 18 bitartean jarduera profesionalak eta ikuskizunak txandakatu dira, Donostia arte eszenikoen epizentro bihurtzeko.
Klik bakarrean
Feriaren inagurazio ikuskizuna, Bloody Moon. Victoria Eugenia Antzokia. (Argazkia: Gorka Bravo).
Agintarien eta Danimarkako ordezarien irudia. (Argazkia: Gorka Bravo).
Jarduera profesionalak
dFERIAren baitan emanaldiez gain, hainbat jarduera profesional ere egin dira.
- Hausnarketa mahaia.
Las artes escénicas en la era del Tecnofeudalismo mahai-inguruak 7 profesional bildu ditu, arte eszenikoen sorkuntzaren, kudeaketaren eta ekoizpenaren alorretatik datozenak. María Pagés Fundazioko zuzendari El Arbi El Hartiren Hacia unas artes escénicas resilientes iritzi-artikulua abiapuntutzat hartuta, eta autoreak berak zuzenduta, bildutako profesionalek hainbat galderari erantzun nahi izan diete, hala nola hauei: Zer leku dute arte eszenikoek existitzen ez den eztabaida batean eta existitzen ez den erresistentzia batean? Zer eginkizun izango lukete arte eszenikoek gure mundu berriari buruzko gogoeta hipotetiko batean? Arte eszenikoen eta, orokorrean, artearen zer balio defendatu beharko genituzke artearen osteko aro likidoan? (Manifestua jaitsi PDF) - Negozio Foroa
Programatzaileen, konpainien eta arte eszenikoen elkarteen arteko topaketa laburren gunea, haien artean lan- eta merkataritza-loturak ezartzeko. Bost minutuko topaketak egin dira, artisten eta tokiko eta nazioarteko programazio arduradunen artean; solaskideak mahaietan banatu dira, interes berak izan ditzaketen lagunak elkartuta. - Lankidetza eta nazioartekotze programen aurkezpena
Bi solasaldi burutu dira, lehena Danimarka Fokua: Erakundeak eta praktika emergenteak Danimarkako eszenan eta bigarrena Pyrenart II: Europako mugaz gaindiko proiektuaren inguruan - Batzarrak
Konpainiak
-
Ados Teatroa
Alberto Velasco
Àngel Duran
Begoña Quiñones & Verónica Garzón
Cidanz Producciones
Cielo Raso
Compañía Criolla
Danish Dance Theatre
Dejabu
Erain
Eva Guerrero
Fix+Foxy
K Producciones
La Dramática Errante
- Lasala
Led Silhouette
Luna Hiena
Nacho Diago
Node
Osa + Mujika
Paolo Nani
Sergi Casero
Sita Ostheimer & Álvaro Murillo
Tanttaka Teatroa
Txalo Produkzioak
Unahoramenos Producciones
Uparte
Uppercut Danseteater
Paolo Naniren La Carta ikuskizuna. (Argazkia: Gorka Bravo).
Negozio Foroa, Tabakaleran. (Argazkia: Gorka Bravo).