|
|
Antzoki
Zaharra Kale Nagusia 3. Tel. 943 424126 |
Antzoki Zaharra, izenak dioen bezala, hiriko antzokirik zaharrena
da. 1850ean inauguratu zen. Orain, 500 ikuslerentzako jarlekuak
ditu. Gaur egun, programazioan zinea eta antzerkia txandakatu
ohi dira. Arte eszenikoei dagokienez, aipatzekoa da neguko
programazio ohikoa eta udako programazio komertziala. Ohiko
programazioaren barruan, ospe handiko konpainiak eta hain
ospetsu ez direnak txandakatu ohi dira, eta arreta berezia
eskaintzen zaio Euskal Herriko konpainien produkzioak erakusteari.
Sentiberatasun berezia dago euskarazko ikuskizunekin. Horien
zabalkundea eta ekoizpena bultzatzeko, martxoaren 27an Donostia
Antzerki Saria eman ohi da. Haurrentzako antzerki programazioa
ere badu. Udako denboraldian, Antzoki Zaharral estatuko antzerkiko
konpainia puntakoenak hartu ohi ditu.
|
|
Lugaritz K.E. Hériz,
20. Tel. 943 310780 |
|
Lugaritz 1993ko maiatzaren 30ean inauguratu zen, eta antzokia
zeukan lehen kultur etxea izan zen. Guztira 240 ikuslerentzako
jarlekuak ditu, eta formatu txikiko antzerki emanaldietan
dago espezializatuta. Lugaritz Kultur Etxeak zenbait programazio
profesional dauzka: formatu txikiko antzerkia, batez ere ikusle
gazteei zuzendua, eta haurrentzako antzerkia, batez ere euskaraz.
|
|
|
Egia K.E. Baztan,
21. Tel.: 943 291514 |
Egia antzoki modernoa da, 1998ko maiatzean inauguratua.
Aretoari Gazteszena deritza, eta hainbat erabilera dituenez,
askotariko emanaldi eszenikoak har ditzake. Guztira 264
lagunentzako jarlekuak ditu, eta beste 500 har ditzake zutik.
Antzerki programazioa, oro har, ikuskizun abangoardiakoenei
begira dago. Orobat, gaur egungo dantzaren programazioa
ere nabarmentzen da, bai eta musika eskaintza askotarikoa
ere: pop, jazz eta munduko musiken kontzertuak. Gainera,
Egiak badu haurrentzako antzerki programazioa ere, gehiena
euskaraz.
|
|
Kursaal Jauregia
Zurriola, 1. Tel.: 943 003000 |
|
Rafael
Moneo arkitektoak “bi arkaitz hondartu” gisa irudikatu
zituen beira zeharrargizko bi kuboak. Jauregia 1999. urtean
inauguratu zen, eta Kulturaren eta Hiriaren beraren sinbolo
betea da. Kursaaleko Ganbera aretoak eta Auditorioak Antzerki
Feriaren zenbait emanaldi hartzen dituzte. |
|
|