Arte eszenikoetako profesionalen izen-ematea
Parte hartu nahi dutenek izena emateko formulario bat bete beharko dute, non jasoko baitira harremanetarako datuak eta haien izaera profesionala egiaztatzen duen dokumentazioa. Galdetegia bete aurretik, komeni da lanbide kategoria guztiak kontsultatzea, Feriak lanbide profesional bakoitzari eskaintzen dizkion erraztasun logistikoak ezagutzeko, dFERIAk berak esleituko baitio profesional bakoitzari dagokion egiaztapen mota, emandako informazioaren arabera.
dFERIAn parte hartzeko hiru modalitate daude:
A motako akreditazioa
Antolakundearen kontura izango dituzte bai ostatua bai dieta osoa. Oro har, ostatua banakako gelan izango da kultur eragileentzat, eta gela bikoitzean antzezleentzat.
A motako akreditazioen kopurua mugatua izango da eta antolakundea arduratuko da akreditazioak berresteaz martxoaren 3a baino lehen.
Akreditazio mota honen hartzaileak:
- Kultur programatzaile publiko eta pribatuak, erakundeetako ordezkariak, nazioarteko azoketako eta jaialdietako programazioen arduradunak eta arte eszenikoen arloko elkarte profesionalen ordezkariak. Dosier bat edo web orrirako esteka bat erantsi beharko dute, beren erantzukizunpean egiten duten programazioa adieraziz.
- dFERIAn programatutako nazioarteko konpainiak edo ordezkariak.
Feriak ordezkari bakarra akreditatuko du erakunde bakoitzeko.
Oharra
A motako akreditazioa dutenek konpromisoa hartzen dute Feriak antolatutako jardueretan parte hartzeko (hala eskatzen zaienean) eta dFERIA osteko balorazio inkesta osatzeko.
B motako akreditazioa
Antolakundearen kontura izango dituzte bai ostatua* bai gosaria bai dieta erdia.
*Oharra: Gela bikoitza aukeratzen duenak berariaz adierazi beharko dio antolakundeari norekin partekatuko duen gela. Banakako gela nahi duenak 40 € ordaindu beharko dizkio hotelari, zuzeneko ordainketa bidez, gau bakoitzeko.
B akreditatuen kopurua mugatua izango da eta antolakundea arduratuko da akreditazioak berresteaz martxoaren 3a baino lehen.
Akreditazio mota honen hartzaileak:
- Kultur programatzaile eta teknikari publiko eta pribatuak, azoketako eta jaialdietako programazioen arduradunak eta arte eszenikoen arloko elkarte profesionalen ordezkariak. Dosier bat edo web orrirako esteka bat erantsi beharko dute, beren erantzukizunpean egiten duten programazioa adieraziz.
- Gutxienez 5 konpainia ordezkatzen dituzten banaketa-etxeak. Feriaren programazio lerroak jasotzen dituen banaketa-agenda bat izan beharko dute, eta azken urtean sektorean presentzia aktiboa izan dutela ere egiaztatu beharko dute. Eskaera berretsia izan dadin, ordezkatzen dituzten konpainien dosierrak jasotzen dituen webgunerako esteka erantsi beharko dute.
- dFERIAn programatutako konpainien ordezkariak.
Feriak ordezkari bakarra akreditatuko du entitate bakoitzeko.
Oharra
B motako akreditazioa dutenek konpromisoa hartzen dute azokak antolatutako jardueretan parte hartzeko (hala eskatzen zaienean) eta dFERIA osteko balorazio inkesta osatzeko.
C motako akreditazioa
Interesdunek dieta erdia izango dute antolakundearen kontura. Ikuskizunetara joateko sarrerak eskatzeko eskubidea izango dute, eta Feriako espazio komunetan eta jarduera profesionaletan sartzeko akreditazioa erabiltzeko eskubidea ere bai.
C akreditazioen kopurua mugatua izango da eta antolakundea arduratuko da akreditazioak berresteaz martxoaren 3a baino lehen.
Akreditazio mota honen hartzaileak:
- Arte eszenikoetako konpainiak eta ekoiztetxeak, Ferian ikuskizun bat antzezten dutenak izan ezik.
- Arte eszenikoetako ikuskizun banatzailea.
- Erakundeetako, antolakundeetako, kultur enpresetako eta hezkuntzaren arloko beste profesional batzuk.
Oharra
A eta B taldeen eskaria zein den, Victoria Eugenia Antzokiko sarrerak eta Antzoki Zaharreko SGAE Fundazioaren Espazioko sarrerak C gisa akreditatuta daudenei eskuratzeko ahalegina egingo da. Gainerako espazioen kasuan, ziurrenik bideraezina izango da, edukiera murritzagatik.
Ohar orokorrak
- Eskabidea bidaltzeak ez du esan nahi akreditazioa automatikoki lortzen denik. Antolakundearen erantzunarekin berretsiko da.
- Plazak mugatuak dira. Parte hartzea berresteko hurrenkera hartuko da kontuan, eta lehentasuna emango zaie Feriak iraun artean bertan izango diren profesionalei.
- Azokako espazio eszenikoetan eta komunetan sartzeko eta garraioak erabiltzeko, akreditazio bakoitzak zenbakizko kode bat eta “jarduera” ibilbide bat izango ditu, antolakundeak berak adieraziak.
- Eskuragarri dauden edukieren arabera, esparruetara sartzeko lehentasuna izango dute hurrenkera honetan akreditatutakoek: A mota, B mota eta, azkenik, C mota.
- Eskaeran adierazitako egunetan azokara etorri ezik, ezinbestekoa da antolakundeari aldaketen berri ematea 72 ordu lehenago. Horren berri jakinarazi ezik, eskatzaileak bere gain hartu beharko ditu, zuzeneko ordainketa bidez, ostatua baliogabetzeak eragindako gastuak.