Burgos New York DantzCidanz Producciones

Cidanz Produccionesek CICBUNY 2025 Nazioarteko Koreografia Lehiaketan saritutako hiru dantza pieza aurkeztuko ditu: Fonsi Lópezen Steady Hands, Compagnia Bellandaren Olvídame eta Lai Hung-Chungen Push and Pull.

Steady Hands, Fonsi López

Steady Hands izenik gabeko bi gorputzen arteko topaketa bizi baten isla da; ezinbesteko dueluan harrapatuta daude, atxikimenduaz nahiz kide izateko grinaz ehundutako duelu batean. Mugimendu bakoitzean, egoak elkarrekin igurzten dira, aurre egiten diote elkarri, biluztu egiten dira, eta isilik sumatzen diren galderei ematen diete bide: "Nor naiz bakarrik nagoenean? Naizenari fidel natzaio? Zenbat izutzen nau bakartasunak?". 

Koreografia: Fonsi López. Dantzariak: Kino Luque, Paula Fernández.

Olvídame, Compagnia Bellanda

Olvídame laneko bikoteak gorputzaren egia erabiltzen du elokuentziaren kalterako, bijiliaren eta haluzinazioaren arteko atmosfera batean, eta zalantzak beren mugen gainean uzten dituzte zintzilik. Pertsonaiek hitz asko ez dituzte, baina oldarkortasun ezkutua bai, afasiatik gertukoa; gorputzetik transpiratzen du haren matxinada itzaliak, eta rolaren egia ezinbestean dator barnealdetik.

Koreografia: Giovanni Gava Leonarduzzi, Lia Claudia Latini (Compagnia Bellanda). Dantzariak: Giovanni Gava Leonarduzzi, Lia Claudia Latini. 

Push and Pull, Lai Hung-Chung

Push and Pull lanak kontrolaren eta entregaren arteko kontraesana esploratzen du, eta aztertzen du gorputzek nola nabigatzen duten erresistentziaren eta onarpenaren artean. Oreka ez da gelditasuna, etengabeko negoziazioa baizik, hala gizabanakoen artean nola geure barruan dauden elkarren kontrako indarren barruko negoziazioa.

Koreografia: Lai Hung-Chung. Dantzariak: Wu Shin-Jie, Chiu Po-Sheng.